انـــا غـــــرب

انا غرب واللي خاطري ينتحي له شرق

بعيدٍ وطن مظنون عيني عن اوطاني

حصل في غروب الشمس بيني وبينه فرق

عسى الله يقرب دار من حبه اشقاني

اليا جا لذيذ النوم يسرق عيوني سرق

ذكرته بعيد وعافت النوم الاعياني

الا يالله انك لاتعيد الحمام الورق

وراه يتلاحى بالطرب لين يشعاني

تولعت يوم انه شعاني بحلو الطرق

ومن الولف اظنه جاين الورق ماجاني

من اربع سنين ومهجة الروح فيها حرق

نتيجة ندب عيناً سهمها تمثناني

وساع العيون الساحرية طعنهن زرق

لها نظرةً من صابته طاح وجعاني

سقا الله اليا قام يتكاشف علي البرق

وانا اشوف زولة بين ربعي وخلاني

تفتّح لعيني يوم اشوفه وساع الطرق

وانا قبل اشوفة مثل يعقوب عمياني

تهشم نظيرة من هميل الدموع الزرق

وعمي لين جابوا له قميص ابنه الثاني

الشاعر/ عبدالله بن عون

قصيدة رااااائعة جدا جدا

يسلموا
أخوي حامد

القاضي كتب:: قصيدة رااااائعة جدا جدا

يسلموا
أخوي حامد

الله يسلمك
و مشكووووووووووور
على طلتك

ربي يعطيك العـآفيه ع القَصًيده الشٍعريه الرآئعهَ..!
ننتظَر جَديدكًــ مِن القَصًـآئد الرآئعه , لآتحرمنـآ منَ قَصًآيَدكًــ..!

تَ ـحيآتيَ..

قصيدة في قمة الروعة

مشكووووووووووووووووور
أخوي حامد

على قول البدوووو صح لسانك

كلمات معبرة ومليئة بالماس

ربي لا يحرمنا منك

موفق