قصه واقعيه مرعبه

السلام عليكم ورحمة الله وبركاته
هذه قصة واقعية حدثت لي في يوم الخميس الموافق19-مايو-2011
لا أريد الإطالة عليكم لهذا سوف أبدء بالأحداث
في وقت العصر دخلت حمام غرفتي جلست اصفف شعري لأن أبوي بيرد من شغله وفجأة شفت جدامي .....
#
#
#
#
#
#
#
#
#
#
#
#
#
#
صرصور وتمنيت إني ما دخلت للحمام تميت منصدمة من اللي أشوفه جدامي فرششت عليه الماء لكنه لم ما مات طلعت من الحمام ومن الغرفة بسرعة الصاروخ وحاولت أن أنسى ما شفت لكني لم قدرت ففتحت الكمبيوتر وجلست اللعب به علني أنسى ما صار لكن من دون جدوى وبعد ساعة ياني أخوي الصغير يبغي يفزعني فوقف وراي ومد أيدينه وسكر الكمبيوتر أنا ما عرفت من كان هذا الشخص لهذا صرخت بأعلى صوتي وإذا بي أسمع صوت ضحك رأيت وراي وإذا هو أخوي الصغير وهو يضحك ودار بيننا الحوار التالي :
أنا : شو تسوي هنيهة وليش بندت الكمبيوتر ؟؟؟؟؟
أخوي : هههههههههههههه لأني كنت امزح معك شوفي وجهك ههههههههههههههههههه
أنا : صدق سخيف ما يكفي اللي صار توه وتى أنت وتزيدني هما على هم .
أخوي : ( وقد بدء يخاف ) شو صار ؟؟؟؟؟؟؟؟
أنا : لـ .. لقـ .. لقد لقد
أخوي : قولي بسرعة أنا مشغول .
أنا : (ما أدري كيف قلتها ) لقد رأيت صرصور في الحمام ........
أخوي : ( وهو يحبس الضحكة ) طلعتي صدق طفلة حد يخاف من صرصور .
أنا : هيه أنا أخاف ( للعلم أنا أخاف من كل الحشرات بلا استثناء ) .
أخوي : اصبري شوي وبرد .
أنا : شو بتسوي .
أخوي : أزيل خوفك هذا بلحظه بضربة نعال .
( وبالفعل راح أخوي وضرب الصرصور ضربة ورد لي ) .
أخوي : خلاص خلص الموضوع بس يوم بتسيرين للحمام تشوفيه جدام الباب .
أنا : شكرا بس ما بدخل الحمام الين يطلع هو من داخل الحمام .
أخوي : أنا ما شفت حد مثلك يخاف من كل الحشرات صدق طلعتي جبانة .
أنا : ترياني وبرويك أنا جبانة بالكسول .
( راح أخوي لغرفته وهو يضحك بس يوم حل الليل وحان وقت النوم دخلت الغرفة ويلست جدام المنظرة أنظم شكلي وإذا بي أشوف أن الصرصور ما مات بس يالس يتجول في الغرفة قمت من فوري وركضت صوب غرفة أبوي وأمي ).
أنا : بابا ألحقني في شي يخوف في غرفتي !!!!!!!!!!
أبوي : شو هناك قولي لا تخافي ؟!؟!؟!
أنا : في غرفتي في غرفتي !!!!!!!!!!
أبوي : شو ؟؟؟؟؟؟؟؟؟؟؟؟؟؟
أنا : صرصور صرصور ألحقني !!!!!!!!!!!!!!
أبوي : ( وانفجر من الضحك ) هههههههههههههههههه صرصور صرصور بالظالمة حد يخاف من صرصور .
أنا : بسك مصخرة يعني أنت ما تخاف .
أبوي : لا ما أخاف بالخوافة .
أنا : ماما سيري طلعيه من الغرفة .
أبوي : لا طلعيه أنتي استوي شجاعة لمرة وحدة بس في حياتج .
أنا : أنا ما بنام في الغرفة بنام في الصالة خلاص أنا اتبرىت من غرفتي .
أمي : بلا استهبال سيري نامي وخليه يولي ولا خبري حد من خوانج يقتله .
أنا : كلهم نايمين .
أبوي : (وهو يالس يكلم أختي الصغيرة اللي تنام عندي في الغرفة ) حبيبتي سيري نامي الحين أنزين .
أختي : أنزين .
أبوي : شوفي اختج الصغيرة أشجع عنج ألحقيها .
أنا : هي ما تدري شو بتشوف في الغرفة بابا سير طلعة .
أبوي : بسج يالجبانة سيري ورى اختج .
أنا : لا ما بسير .
أمي : شغلي الليت البرتقالي وخفيه لأنة هو ما يتحرك غير في الظلام .
أبوي : لا بندي الليت وخلي حلقج مفتوح عشان يدخل داخل وبعدين طلعية .
أنا : أنا بسير لا يتمصخرون أكثر .
( طلعت من الغرفة وسرت ناحية غرفتي ويوم فتحت الباب شفت أختي مسوية عمرها نامية بس الحمد لله إني شفت قبل عن ادخل الغرفة شفت الصرصور يالس يستقبلني صرخت ورويت أختي الصرصور حتى هي صرخت لكن شرد وراحت حق أبوي وخبرته وبعدن سرت حقه وشفته ياي يخبرنا ) .
أبوي : كل البنات والحريم اللي في البيت يخافون من الصراصير ليش ..........
أنا : بس بابا سير اقتله خلاص فكني منه !!!!!!!!!!!!
أبوي : حاضر أي طلب ثاني ؟؟؟؟؟؟؟؟
أنا : لا .
أبوي : زين احسبج بتخليني اخم الغرفة بعد .
أنا : والله فكرة بس لا اقتله ويصير خير .
( أبوي مسك النعال وتم يحاول يضرب الصرصور لين ضربة ضربتين ) .
أبوي : يله شليه بالك لينكس .
أنا : ما بشلة بالك لينكس ولا شي .
أبوي : لا عيل خليه هني عشان يمشي فوق الشبريه مالج وأنتي نايمه .
أنا : خلاص بشلة .
أبوي :لا تنسي اضغطي على بالك لينكس عشان ما يطيح أوكي .
أنا : والله ما بشلة بالك لينكس .
أبوي : عيل بشو بتشيليه .
أنا : بورقة كرتون مقوى .
(سار أبوي غرفته وأنا حاولت أشل الصرصور لكنه بعده حي ما مات وكل مره يلبط وخليت فوقه الورقة وسرت أكمل شغلي جدام المنظرة (مشغولة يالسة أتعدل) ولا أشوف الصرصور طلع فوق الكر تونة عاد كاد قلبي يطير استجمعت قواي وحطيت عليه الملف مال المدرسة ويبت كيس وحطيته داخل وفريته في الزبالة على أمل لقاء جديد له ولي أصدقائه في النفايات ) .
أتمنى أنه موقفي أثار إعجابكم
وللقاء جديد مع مواقف جديدة